Obxectivos

 

Obxectivo xeral:

Avaliar o potencial hidrocinético dos cursos fluviais na provincia de Ourense mediante técnicas de modelización numérica hidrodinámica, co fin de identificar treitos con condicións favorables para o aproveitamento enerxético do fluxo natural de auga sen necesidade de infraestruturas de regulación.

 

Obxectivos específicos (OE):

 

OE1. Recompilación e análise da información hidrolóxica e morfolóxica dos cursos fluviais da provincia de Ourense.

              Resultados asociados:

• Identificación de cursos fluviais e treitos con características potenciais axeitadas para o aproveitamento hidrocinético.
• Selección preliminar de tramos de estudo en función da información dispoñible e das condicións hidráulicas esperables.

 

OE2. Aplicación de modelado hidrodinámico bidimensional con Iber+ nos treitos fluviais preseleccionados para obter con precisión as condicións hidráulicas.

              Resultados asociados:

• Modelo hidrodinámico bidimensional funcional e validado para os tramos de estudo.
• Caracterización das principais características do fluxo en relación ao potencial hidrocinético (principalmente calado e velocidade).
• Selección das mellores localizacións e definición das condicións hidráulicas necesarias para o estudo tridimensional a escala local.

 

OE3. Aplicación de modelado tridimensional con DualSPHysics para analizar o potencial hidrocinético a escala local.

              Resultados asociados:

• Modelo tridimensional funcional e verificado para simular o rendemento das turbinas hidrocinéticas nos tramos de estudo a escala local.
• Obtención das variábeis necesarias para a análise do potencial enerxético hidrocinético real.

 

OE4. Estimación do potencial enerxético hidrocinético dispoñible.

              Resultados asociados:

• Estimación cuantitativa do potencial hidrocinético dispoñible en diversos treitos fluviais na provincia de Ourense.